Një gjarpër piton tre metra i gjatë, ka befasuar blerësit në një supermarket të Sidneit duke rrëshkitur përgjatë një rafti në pjesën e erëzave.
“Vetëm në Australi!”- Hilary Leigh shkroi në një postim në Facebook kur ndau një video të gjarprit të madh, në supermarketin Glenorie në veri-perëndim të Sidneit.
Blerësi tjetër Helaina Alati po kërkonte për erëza për darkën e së hënës, kur ajo ktheu kokën në të djathtë dhe “vetëm 20 cm nga fytyra ime” pa pitonin gjigant.
“Thjesht donte të thoshte një përshëndetje,” i tha ajo ‘Guardian Australia’.
Pasi e pa gjarprin, stafi i Woolworths “reagoi shpejt dhe me qetësi” për të rrethuar zonën për sigurinë e klientit, tha zëdhënësi i supermarketit.
Burimi i lajmit: The Guardian. Përshtatur nga Tirana Today
