Shirat e dendur kanë bërë që dy diga në Michigan të SHBA-ve të shemben, duke shkaktuar përmbytje në vend. Për pasojë, rreth 10,000 banorë janë detyruar të evakuohen nga banesat e tyre.
Meteorologët vendas kishin dhënë alarmin e emergjencës së përmbytjeve në zonën e lumit Tittabawassee, pas shembjes së digave Edenville e Sanford.
Sipas autoriteteve vendase, disa pjesë të qytetit Midland mund të zhyten në deri 3 metran nën ujë. Kompania farmaceutike Dow e vendosur në këtë qytet, po vendos barriera emergjence.
Pas shembjes së digave mëngjesin e sotëm, Guvernatori Gretchen Whitmer shpalli gjendjen e emergjencës, duke thënë se qyteti mund të përballet me nivele historike të larta uji.
Diga e Edenville, e ndërtuar në vitin 1924, ka qenë në gjendje të rrezikuar prej vitit 2018. Ndërsa ajo e Sanford, e ndërtuar në 1925, kishte marrë vlerësime pozitive pas kontrolleve.
