Një ditë e bukur në bregdet, kthehet shumë shpejt në të dhunshme në plazhin Wildwood këtë të shtunë. “Ajo filloi të bërtiste se po dhunohej. Alexis Hewitt dhe mikesha e saj Julia Cortes, gjendeshin aty pranë kur u bënë dëshmitare të ngjarjes. Dëgjuam ulërima. U ngrita dhe pashë policët, dhe njerëzit përreth që largoheshin. Menjëherë hapa telefonin, dhe nisa të filmoja”, thotë një vajzë që ishte aty pranë.
Videoja e Hewitt kapi dy oficerë të policisë së Wildwood që po përpiqeshin të arrestonin një vajzë 20-vjeçare, që më vonë u identifikua si Emily Weinman nga Filadelfia.
Pjesa me e rëndë e videos, tregon njërin nga oficerët që godet Weinman 3 herë me grusht prapa kokës.
“Ne u trembëm pak pasi ishim shumë pranë saj. Përreth kishte fëmije, dhe sinqerisht nuk pret të shohësh diçka të tillë shumë pranë teje në plazh”, tha një tjetër.
Shefi i policisë së Wildwood, tha në një deklaratë se ai e konsideron videon alarmante, por nuk dëshiron të nxitojë një japë një gjykim, deri në hetimin e plotë të incidentit.
Autoritetet thonë se Weinman që është ende e mitur ishte e dehur, refuzoi t’i tregojë policisë kartën e saj të identitetit, pështyu dhe goditi njërin nga oficerët në organet gjenitale, para se të tentonte të largohej.
Në një postim të fshirë më pas në Facebook, Weinman pranoi se kishte qenë e dehur. Ajo shkroi se i rezistoi urdhrit të oficerit, pasi ishte e frikësuar.
“Kjo është vajza? Po. O Zot i madh!”
Pasi u postua në Twitter, video shkaktoi reagime të ashpra, me shumicën e njerëzve që shpreheshin se pavarësisht shkeljeve të supozuara nga vajza, oficerët e policisë nuk duhej ta kishin goditur atë me grusht.
“Unë mendoj se është paksa e tepruar…Unë nuk mendoj se është e nevojshme, ishte një vajzë, dhe peshonte vetëm 45 kg…”, shprehet i indinjuar një qytetar.
TIRANA TODAY
