“Ish-ministri i Brendshëm Saimir Tahiri paralajmëroi dorëzimin e mandatit të deputetit, por ende nuk e ka bërë një gjë të tillë me shkrim dhe zyrtarisht, pasi nuk e ka dorëzuar shkresën,” deklaroi sonte gazetari Artan Hoxha.
I ftuar në studion e emisionit ‘Opinion’, Hoxha deklaroi se Saimir Tahiri vazhdon të jetë deputet i Kuvendit, deri sa të dorëzojë me shkrim kërkesën e lënies së mandatit të deputetit në Kuvendin e Shqipërisë dhe ai nuk është me deputet vetëm kur ajo protokollohet.
“Ditën e nesërme pritet që ai të dorëzojë shkresën dhe vetëm atëherë kur ajo të protokollohet, Tahiri rezulton se ka dorëzuar mandatin e deputetit”, u shpreh gazetari.
