Ditën e sotme, ish-kreu i PD-së, Sali Berisha ka pasur një përplasje me kreun e Kuvendit, Gramoz Ruçin.
Teksa po fliste në foltore, pothuajse si gjithnjë, Berisha e ka tejkaluar kohën.
Por, teksa Meta e ka toleruar gjithnjë, duket se Ruçi nuk ka ndërmend ta bëjë një gjë të tillë.
Jo vetëm kaq, por pas mbarimit të kohës, Ruçi e urdhëroi Berishën që të ulej në vendin e tij me një ton të ashpër dhe mjaft i prerë në komunikim.
Pasi i ka hequr mikrofonin Berishës, Kryetari i Kuvendit i ka theksuar ish-kryeministrit se po gënjen kolegët e tij me deklaratat e tij.
DEBATI MES BERISHËS DHE RUÇIT:
Ruçi: Zoti Berisha, koha mbaroi! Të lutëm ulu, koha jote mbaroi. Jo nuk lejohet, nuk lejohet. Ulu zoti Berisha, i the të gjitha ato që kishe për të thënë, të lutem shumë ulu!
Berisha: Nuk më ndalon ti, të ka vënë Rama aty dhe urdhëron tani!
Ruçi: Zoti Berisha mos më detyro që në këtë seancë të aplikoj masat që parashikon rregullorja.
Berisha: Edi Rama të ka detyruar edhe për atë post…
Ruçi: Ulu mos e tepro, as në planin etik, as procedurial, ulu e mos i gënje kolegët e tu se i merr në qafë ashtu.
