Qentë janë të njohur si kafsha më besnike, dhe kjo jo vetëm ndaj padrove që i mban ata, por edhe ndaj qenve të tjerë.
Një video e publikuar nga Daily Mail, e cila është filmuar nga banorët në një qytet kinez, tregon një skene ku një qen besnik u përpoq të ringjallte një tjetër qen i cili ishte vrarë nga një makinë.
Sipas Daily Mail video u xhirua në Yibin, në jug-perëndim të Provincës Sichuan të Kinës.
Qeni i verdhë u përplas dhe u vra ndërsa po kalonte një rrugë para një hoteli.
Qeni i verdhë u la në mes të rrugës duke u përpëlitur. Asnjë nga shoferët kalimtar ose këmbësorët nuk u ndalën për ta ndihmuar atë.
Në video shihen tre nga shokët e qenit fatkeq, përfshirë qenin e zi erdhën për ta ndihmuar.
Një grua e cila punonte aty pranë në një dyqan, tha se i kishte parë shpesh qentë të rrinin bashkë dhe se pa qenin e zi të mundohej të ringjallte trupin e ngordhur të qenit të verdhë në rrugë.
Nuk ka ligj në Kinë për të mbrojtur qentë e kafshëve dhe kafshë të tjera të vogla. Ndërgjegjësimi i publikut për mirëqenien e qenve është relativisht i ulët në krahasim me Perëndimin.
