Nuk janë të pakta rastet kur shoferët e makinave shprehin ankesa për praninë e biçikletave ne rrugë, por edhe rastet kur shoferët tregohen krejt të pakujdesshëm ndaj çiklistëve.
Një ngjarje jo e zakontë është filmuar nga kamerat e sigurisë në rrugët e Londrës. Një makinë Volkswagen Polo ka goditur një person që po pedalonte me biçikletë duke e ka lënë atë të shtritë dhe shoferi ka tentuar të vazhdojë rrugën i qetë.
Video është kapur nga kamerat e rrugës kur çiklisti pasi është ngritur ka nxjerrë nga brezi një thikë të madhe dhe ka kërcënuar shoferin që të dalë nga makina. Thika është shumë e madhe , nga ato që zakonisht përdoren për qëllime mbijetese ose gjuetie.
Çiklisti i inatosur ka bërë të paktën dhjetë goditje në të dy dritaret e pasagjerëve dhe të shoferit, duke shkelur dyert e pasme dhe duke u përpjekur për të hyrë në pjesën e prapme.
Një turmë njerëzish shikojnë pamjen horror se si banditi i dhunshëm vazhdon sulmin e tij të ashpër, ndërsa shoferi brenda makinës duket se e ka të pamundur të kundrapërgjigjet.
Përfundimisht, sulmuesi thyen derën e pasagjerëve dhe shoferi ikën nga dera e tij, duke kaluar rrugën.
Në ndërkohë dy djem të tjerë vrapojnë në vendngjarje. Sulmi i frikshëm vjen në mes të një ‘epidemie’ të krimit me thikë në Londër, që deri tani ka marrë 43 jetë njerëzish për këtë vit.
Burimi: dailymail.co.uk
Përshtati: Tirana Today
