Kryetari i Partisë Demokratike ka akuzuar Kryeministrin Edi Rama se po u merr taksa dyfish qytetarëve me vendosjen e pagesës së Rrugës së Kombit. Gjatë debateve në Parlament për këtë çështje, Basha u shpreh se duhet të hiqet taksa e qarkullimit të automjeteve nëse aplikohet tarifa për Rrugën e Kombit.
Ndërsa menjëherë pas fjalës së tij ka replikuar Edi Rama i cili është kapur pas një lapsusi të bëra nga Basha, dhe u shpreh se: “Kur 7×7 bëjnë 42 atëherë të gjitha llogaritë e kësaj aritmetike nuk kanë lidhje me realitetin e shifrave dhe fakteve”.
“Sigurisht që kur nisem nga premisa që 7×7 bëjnë 42 atëherë e gjithë logjika e saj aritmetike nuk ka lidhje me aritmetiken e shifrave për të cilët ne diskutojmë.
Por, dy gjëra jo se më bënë përshtypje nga miku im Lulëzim, por veçse ndjej keqardhje kur e shikoj dhe dua të kujtoj se ka qenë dhe ministër transportesh, përveçse është kryetari i PD-së, pavarësisht se si e ka katandisur PD-në sot. Por e vërteta është se ai është prijësi i PD-së, që akoma nuk e di se çfarë është taksa e qarkullimit.
Dhe ky miku im vjen këtu dhe tregon këmbët e mia në rrugën që paskam hapur vetë, thotë se o 7×7 bëjnë 42, o nuk ka 7 dhe nuk ka as 42.
Lulëzim, përveç vendeve me karakter pyjor dhe baritor, ku lëvizte me veshgjatë, vetëm aty nuk ka taksë qarkullimi.
Dhe pagesa e rrugëve për përdoruesit është krejt tjetër Lulzim nga taksa e qarkullimit, profesori duhet të të kishte dhënë këtë mësim para se babai të jepte postin e MT dhe si hyre dole.
Sa i përket asaj që unë rashe më këmbët e mia në gropën që kam hapur, unë si kam hapur ndonjë gropë buxhetit dhe ndryshe nga çfarë parashikonte kasandra dixhitale nuk ndodhi rënia me këmbët e mia në atë gropë që e hapët ju, ne e mbyllëm atë gropë.
Së dyti si kam hapur ndonjë gropë rrugës së kombit, atë gropë KLSH dhe prokuroria thotë se ia ka hapur ti, natyrisht raporti mjekësor për gjendjen e rëndë shëndetësore të kohës bëri që pavarësisht se të gjetën me këmbët e tua në atë gropë, këmbët të fluturojnë në një gropë tjetër, e të mos numëroj tërë gropët ku kanë rënë.
Unë si kam hapur as vendit as partisë sime një gropë si i ke haur zotrote partisë tënde, që si mendon edhe vetë Saliu nuk ka lidhje me atë historinë e xhepave të errët të oligarkëve rusë.
Profesor ua kam thënë disa herë një shprehje që ua ka mësuar gjyshja, si na ka treguar Saliu, dhe gjyshja ime ma ka mësuar, qesh mirë kush qesh i fundit, sinqerisht nuk dua t’ju vijë shumë më e hidhur shumë shpejt sesa çfarë duket sot.
Lulzim mos ngatërro taksën e qarkullimit me pagesën e përdoruesve, nuk kanë lidhje, mësoje që nëse do ishte kështu, atëherë në çdo vend nuk do kishte pagesa për rrugën.
Konsideroje seriozisht dhe mos e thirr më shpejt fatin tënd, që e ke shkruar vetë, pa u konsultuar me partinë tënde, dhe mua, se do të kisha thënë zgjedhjet do i humbësh mos merr para nga rusët se na duhesh për rrugë të gjatë por ia ke shkurtuar rrugën vetes”.
