Kryeministri Edi Rama ka zgjedhur që në ditën e fundit të vitit 2018, të postojë një video të fëmijëve, të cilët kanë festuar ardhjen e Vitit të Ri.
Festa e fëmijëve është organizuar në Kryeministri, mes fëmijëve e prindërish prej familjesh në nevojë, si dhe me fëmijët e prindërit të skuadrës së Kryeministrisë.
Rama uron që çdo familje ta kalojë gëzuar natën e ndërrimit të viteve, ndërsa në video duket edhe i biri i tij Zaho.
“MIRËMËNGJES
dhe me këto momente të gëzuara mes fëmijësh e prindërish prej familjesh në nevojë, së bashku me fëmijët e prindërit e skuadrës së kryeministrisë, ju uroj të gjithëve ta kaloni sa më gëzuar sonte në familjet tuaja, ndërrimin e viteve”, shkruan Rama teksa publikon videon.
