Kryeministri i vendit Edi Rama së bashku me kabinetin e tij qeveritar ishin pasditen e sotme në Presidencë për të bërë betimin.
Por ajo që ra në sy është një ‘anashkalim’ i kryeministrit Edi Rama, nga betimi mbi Kushtetutë.
Ndryshe nga anëtarët e tjerë të kabinetit të tij, Rama nuk e ka vënë dorën mbi Kushtetutë për të thënë duke belbëzuar ‘betohem’, por është ulur me furishëm duke shfryrë, dhe pasi ka firmosur është drejtuar tek Presidenti Meta për ta takuar dhe për të bërë foton e rastit. Por gjithçka është e përcaktuar në ligj vendimin Nr.229, date 23.4.2004 “Për miratimin e ceremonialit zyrtar të Republikës së Shqipërisë.”
Nga një verifikim i thjeshtë kryeministri Edi Rama, në vitin 2013 ka bërë betimin sipas protokollit zyrtar.
Ende nuk dihet nëse kjo thyerje protokollare e kthen betimin në të pavlefshëm, por në video shihet qartë që Rama nuk është betuar siç e përcakton rregullorja për ceremonialet zyrtare në vendin tonë.
