Me qindra sportistë janë rrëzuar të dielën në garën e downhill “Mountain of Hell”, në zonën e skive ‘Les Deux Alpes’, në Francë.
Njëri nga biçiklistët garues, pak momente pas nisjes është rrëzuar dhe kjo ka mjaftuar që të shkaktojë edhe rrëzimin e garuesve të tjerë. Sipas mediave franceze, rreth 700 çiklistë profesionistë dhe amatorë, ishin nisur nga një zonë e akullt, 3400 metra e lartë, për 900 metra në një rrugë prej akulli dhe dëbore.
Sipas raportimeve, asnjë nuk është lënduar rëndë pavarësisht se shumica e biçikletave janë shkatërruar plotësisht pas përplasjes.
