Politikanët në Perëndim, e kanë quajtur shpesh Ballkanin një “fuçi baruti”, dhe jo pa arsye. Lufta e Parë Botërore shpërtheu pas një ngjarje të rëndë që ndodhi pikërisht në Ballkan.
Më 28 qershor 1914, i riu serb Gavro Princip qëlloi dhe vrau arkidukën austro-hungarez Franc Ferdinand dhe bashkëshorten e tij, gjatë vizitës që po zhvillonte në kryeqytetin boshnjak Saravejë. Princip, ishte anëtar i shoqërisë ushtarake sekrete serbe “Dora e Zezë”.
Ajo drejtohej nga ushtarakë serbë, që vepronin si një shtet brenda shtetit. Objektivi politik i vrasjes, ishte rimarrja e krahinave sllave që gjendeshin sundimin e Austro-Hungarisë. Arkiduka, ishte trashëgimtari direkt i fronit perandorak, ndaj goditja ishte e madhe. Vjena i dërgoi fillimisht një ultimatum Beogradit, dhe më pas i shpalli luftë.
Pas 1 muaji, në luftë u përfshinë të gjitha fuqitë kryesore. Në 4 vitet që pasuan, mbi 70 milionë ushtarë në total u përleshën me njeri-tjetrin në luftime të përgjakshme.
Dhjetë milionë prej tyre do të gjenin vdekjen, ashtu si mbi 5 milionë civilë. Shumë studiues e cilësojnë Princip një terrorist. Por në Serbi, Kisha Ortodokse e cilëson një hero kombëtar, që luftoi për unitetin e kombit të tij.
