Edhe pse Dr.Flori mungon fizikisht mes nesh, Landi dhe Miri i West Side Family, sjellin klipin me këngën e titulluar ‘Beso’, pjesë e të cilës është edhe Dr. Flori me zërin e tij. Klipi është shfaqur për publikun sot, më 29 dhjetor 2017, në orën 18:00.
E veçanta e kësaj kënge, është se pjesë e saj është edhe Dr.Flori, me frazën e fundit që kishte arritur të incizonte në studion e tij, dhe e cila është përdorur për këtë këngë.
Muzika dhe teksti janë realizuar të gjitha nga vet grupi, ndërsa klipi është punuar Blackout.
Videoklipi sjell një atmosferë shprese, prekëse dhe është ndërthurur me elemente që ‘rikthejnë’ në jetë Dr.Florin përmes imazheve.
