Ditën e sotme përpara godinës së Kryeministrisë, janë mbledhur për protest grupi i aktivistëve të Shoqërisë Civile dhe qytetarë të cilët kundërshtojnë marrëveshjen e Shqipërisë dhe Greqisë për Detin, e cila është ende e paqartë.
“Ne nuk kemi debatin se kush e shiti detin më shumë apo më pak sic po bëjnë politikanët tanë sot, por po kujtoi një thënie të 600 vjetëve më parë të Ismail Qemalit: ‘Ne nuk do pranojmë asnjë të keqe për vendin tonë, as të madhe as të vogël.’
Kryesia e organizuesve të protestës le të themi, është mbledhur ditën e hënë ku ka pregatitur një kërkesë me tre pika drejtuar kryeministrit të Shqipërisë Edi Rama.
Kërkesa me tre pika:
1-Transparencë lidhur me paketën e bisedimeve mes Shqipërisë dhe Greqisë
2- Vendosjen në dispozicion të procesverbalit të takimeve të negociatorëve në Korcë.
3- Kopje e fuqisë nëse Rama e ka pajisur apo jo me firmën e tij grupin negociator, Bushatin në këtë rast
Asnjë përgjigje, ne prisnim një përgjigje, por ai nuk na dha asnjë.
Të gjendur në këtë kushte ne thirrëm këtë protestë sot. Në rast se kjo qeveri ka në plan për ta zbrazur këtu por ne që jemi këtu nuk do ta lejojmë kurrë.”, tha aktivisti Aulon Kalaja.
“Ju me të drejtë do pyesni. Pse protestoni për shitjen e detit, kur ende s’ka një marrëveshje për detin. Por pse, për cfarë u mblodhën bushati dhe Kotzias për orë të tëra në hotelin në Korcë: Folën për sufllaqe, tope tope palagalos apo për xaxiqin?”, tha një nga organizatoret e protestës.
