Një skenë aspak e këndshme është filmuar dje në qytetin e Pogradecit, ku një grua ka dhunuar të shoqin e saj në mes të rrugës.
Ky i fundit duket se ishte i dehur, pasi nuk ishte në gjendje të qëndronte në këmbë, gjë që siç duket ka inatosur keq bashkëshorten e tij.
Ajo i ulëret të shoqit, si dhe e godet me shqelma dhe me një fshesë. E gjithë ngjarja ndodh në sy të fëmijës së tyre, që duket se është rreth 4 apo 5 vjeç. Duket se fëmija është mësuar me këtë sjellje, teksa qesh kur shikon të ëmën që dhunon të atin.
Më pas, komshitë e kritikojnë gruan, teksa dëgjohen duke i thënë: “Elsa, lërë të çohet vetë. Boll se e copëtove!”
E siç duket në video, dëshmitarët preferojnë të nxjerrin celularin e të filmojnë të gjithë skenën, ndërsa askush nuk ndërhyn për të ndaluar këtë skenë të turpshme që ndodh në sy të fëmijës.
