Një video e frikshme është regjistruar në Shtetet e Bashkuara të Amerikës, ku një person duke vrapuar për t’i ikur stuhisë është goditur nga një rrufe.
Në pamjet e regjistruara shihen momentet teksa personi po vraponte me qentë e tij në në Parkun Kombëtar ‘Spring’ të Teksasit, kur papritur është goditur nga një rrufe, e cila e lë pa ndjenja përtokë.
Siç shikohet edhe nga pamjet, qytetarët që i erdhën në ndihmë kryen ndaj tij shtypje të gjoksit si dhe frymëmarrje artificiale duke e rikthyer sërish në jetë. Të njëjtët persona e kanë transportuar personin në fjalë drejt spitalit ku edhe ka marrë ndihmën mjekësore.
Videoja u publikua fillimisht nga ‘Weather Nation’ dhe mësohet se personi në fjalë ndodhet në gjendje të mirë shëndetësore.
