Kreu i agjensisë Tolo News në Afganistan, Miraqa Popal, ka publikuar një video, ku një taleban qëllon mbi një burrë që po përpiqet të hyjë në aeroportin e Kabulit. Në një postim në Twitter, ai shkruan: “Një luftëtar taleban sulmon një burrë në Afganistan, që po përpiqet të hyjë në aeroportin e Kabulit”.
Kabuli tashmë është marrë nën kontroll nga talebanët, të cilët arritën që të pushtonin të gjithë Afganistanin brenda 10 ditëve, pas largimit të forcave amerikane dhe të vendeve të tjera të NATO-s.
Në 15 gusht ata arritën që të futen në Kabul, ndërsa një ditë më vonë qeveria u rrëzua dhe tashmë çdo gjë është në dorën e tyre.
Ndonëse Kabuli tashmë është mbushur me ushtarë, jeta duket sikur i është rikthyer ‘normalitetit’. Por një tjetër panoramë të ofrohet në aeroport, ku mijëra qytetarë kërkojnë të largohen nga vendi, pasi kanë frikë nga dhuna dhe terrori i talebanëve. /Tirana Today
