Kryeministri Edi Rama vijon të publikojë video promovuese për vendin tonë. Mëngjesin e sotëm, Rama ka publikuar një video, ku një pilot spanjoll tregon mbresat e tij për Shqipërinë, teksa viziton Krujën.
“Sot po vizitoj kështjellën e Krujës, e cila është një kështjellë shumë e bukur dhe mikpritëse. Për mua pjesa më mbresëlënëse është vizita në pjesën e sipërme të kështjellës”, shprehet turisti, e cili po eksploron pak nga pak Shqipërinë teksa qëndron këtu për shkak të punës.
“Unë po bie në dashuri me këtë vend!”, me këtë frazë të turistit mbyllet videoja e publikuar nga kryeministri.
