Kapiteni i Eintracht Frankfurt, David Abraham ka marrë një dënim të rëndë pas goditjes në shpatull që i dha trajnerit të Freiburg.
Federata Gjermane e ka gjobitur me 25 mijë euro dhe shtatë javë pezullim. Por mësohet se ky pezullim nuk është i vlefshëm për ‘Europa League’. Ndërkohë Abraham dhe klubi i tij kanë vendosur të apelojnë vendimin me shpresën për të shkurtuar sado pak kohën e skualifikimit.
Incidenti në fjalë u shënua fundjavën e kaluar në ndeshjen mes Eintracht Frankfurt dhe Freiburg.
Freiburg ishte në avantazh 1-0, kur topi doli jashtë loje në minutat shtesë të lojës. Por kur Abraham shkoi ta merrte topin ai goditi me krah trajnerin Christian Streich, duke e hedhur përtokë.
Pas këtij gjesti, lojtarët dhe stafi i skuadrës së Freiburg i vërsulen të zemëruar futbollistit, duke krijuar kaos në fushë. Abraham u dënua me karton të kuq nga arbitri, ndërsa ndeshja u mbyll me rezultatin 1-0.
https://www.youtube.com/watch?v=4X3es7D0q7E&feature=emb_title
