Vladimir Putin – Rusi
Sundimtari rus, pretendon se bën një jetë relativisht modeste, me pagën e tij zyrtare prej 130 mijë dollarësh në vit. Por analistët e biznesit, besojnë se ai ka një pasuri që shkon deri në 55 miliardë dollarë, duke përfshirë disa kompani të mëdha të gazit dhe naftës, dhe dhjetëra llogari bankare në parajsat fiskale. Thuhet se vetëm ruajtja e shtëpive, avionëve dhe makinave të tij luksoze, kushton 1 miliardë dollarë.
Kim Jong un – Koreja e Veriut
Kur vdiq i ati, udhëheqësi koreno-verior Kim Jong-un, trashëgoi një pasuri prej 3.4 miliardë dollarësh. Një vit më pas, ai e dyfishoi në 6.8 miliardë dollarë, duke importuar shumë mallra luksi. Kjo përfshiu makina luksoze, një teatër privat për aleatët e tij më të ngushtë, dhe një koleksion pianosh.
Bashar Al Asad – Siri
Pasuria zyrtare personale e diktatorit sirian, arrin mbi 1.2 miliardë dollarë. Por nëse përfshihet e gjithë pasuria që zotëron familja e tij në Siri, kjo shifër mund të shkojë në mbi 90 miliardë dollarë.
Sadam Hussein – Irak
Kur Sadami u arrestua në vitin 2003, ai kishte një pasuri prej 1.5 miliardë dollarësh, të cilën e kishte vënë duke kontrolluar ekonominë e vendit dhe fushat fitimprurëse të naftës, për më shumë se 30 vjet. Kur amerikanët zbarkuan në pallatin e tij presidencial në Bagdad, panë se banesa e diktatorit, ishte e gjitha e larë në ar, duke filluar që nga tualeti, furça e dhëmbëve dhe deri tek armët.
Muamar Gadafi – Libi
Para se të rrëzohej nga pushteti, dhe vritej nga një rebelim në vitin 2011, Kolonel Gadafi kishte grumbulluar një pasuri familjare që shkonte deri në 53 miliardë dollarë, përmes skemave korruptive të fitimit të parave apo nga marrëveshjet e naftës.
