Kryeministri Edi Rama është takuar këtë të enjte me Kryeministrin grek, Aleksis Cipras. Ka qenë ky i fundit i cili ka postuar në Twitter nga ky takim, ku morën pjesë edhe dy ministrat e Jashtëm.
Ky takim mes kryeministrave vjen, pas fillimit të punës së zhvarrosjes së ushtarëve grekë në vendin tonë. Një vendim i tillë është marrë gjatë takimit në nëntor mes ministrit të Jashtëm të Shqipërisë Ditmir Bushati, me homologun e tij grek Nikola Kotzias në Kretë. Ndërsa dialogu mes dy palëve vijoi pak ditë më parë në Korçë, ku pretendohet se po arrihet një marrëveshje mes dy vendeve.
Kështu, Kryeministri Rama postoi pamje në rrjetet sociale nga ky takim, ndërsa shkruajti: “Davos – Me Kryeministrin e Greqisë, Alexis Tsipras, për progresin e bërë deri më tani përmes dialogut dypalësh; në adresimin e çështjeve të bartura të së shkuarës, në funksion të çeljes së një kapitulli të ri partneriteti strategjik për të ardhmen. Objektivi i përbashkët finalizimi i dialogut dhe nënshkrimi në pranverë i Dokumentit të Partneritetit Strategjik në Tiranë”.
