Dy familje janë bërë me banesa të reja. Ky është lajmi i mirë që ka dhënë drejtuesi i Fondacionit “Fundjavë Ndryshe”, Arbër Hajdari.
Me anë të një shënimi në rrejtin social “Facebook”, Hajdari shkruan:
“Të nderuar Miq,
Sonte në STOP – TV KLAN do të ndiqni sesi brenda një kohe rekord ka ndryshuar jeta e dy familjeve.
Familja Cosolli që jetonte në Mokër është bërë me banesë të re në Pogradec, ndërsa vogelushi 5 vjeçar i familjes Bilali në Pezë me banesë të re, rroba, ushqim e lodra si të gjithë bashkëmoshatarët e tij ♥️
Bamirës, Zoti ju bekoftë ?? ♥️ Shpërndaje/ Share”.
“I them nënës dua bukë, nuk dua dhurata dua ushqim, dua të kem rrobe si shokët e mi, dua të kem bukë. Nuk dua të kem ftohtë unë, këtu futet era nga dritarja, futet dhe shiu”, ky ishte rrëfimi tronditës i Albionit.
Albioni është djali i madh i familjes Bilali në Pezë. Kjo familje ka pesë pjesëtarë, gjyshen, prindërit dhe vëllain më të vogël të Albioni. Familja jetonte në kushte të mjerueshëm ku çfarë binte jashtë futej brenda sepse streha ku ata fusinin kokën nuk kishte as dyer dhe as dritare. Por pas apelit të “Fundjavë Ndryshe”, kjo familje është bërë me shtëpi të re.
Rasti i familjes Cosolli
Edhe familja që jetonte në Mokër është bërë me banesë të re në Pogradec. Anisa, Andi e Marisol janë 3 fëmijët e çiftit, të cilët tani i pret një e ardhme e mirë.
Ata kishin 4 vjet që jetonin pa ujë e drita, ndërsa muret e shtëpisë mund të binin nga çasti në çast .”Stop” dhe “Fundjavë Ndryshe” bënë apel për të ndihmuar këtë familje. Pas apelit familja është bërë me shtëpi të re.
