Opozita me në krye Partinë Demokratike ia arriti edhe ditën e sotme që të sabotonte zhvillimin normal të seancës plenare. Kryedemokrati, Lulzim Basha së bashku me sejmenët e tij i ra tavolinave dhe akuzoi kryeministrin Rama se po bën pazar për negociatat për të sjellë në Shqipëri rreth 600 mijë refugjatë nga Lindja, kryesisht sirianë.
Nga ana e saj, mazhoranca tentoi t’i përtypë lumin e akuzave, përmes ngërdheshjes së Edi Ramës dhe të bindurit të tij, Taulant Balla. Ndërkohë Bashkimi Evropian përmes vendeve të tij serioze po heziton që t’i japë Shqipërisë dritën jeshile për hapjen e negociatave.
LEXO EDHE: Video/ Sherr në Kuvend, demokratët godasin tavolinat. Basha: Rama bën llogaritë e tij, nuk qan hallin e shqiptarëve
Përkundër aferave korruptive të mazhorancës, e cila është akuzuar në vijimësi, opozita duket se ka një problem të madh me veten. Këtë problem e tregoi edhe tre ditë më parë në Komisionin e Medias lidhur me shembjen e Teatrit Kombëtar.
LEXO EDHE: (VIDEO) Kujt po i shërben sherri politik?!
Që projekti i ndërtimit të një Teatri të ri Kombëtar bie erë korrupsion,kjo është tashmë e qartë. Por forma e zgjedhur nga PD për t’iu kundërvënë kësaj afere, është e gabuar.
Deputetët Salianji dhe Noka ia dolën të poshtërojnë kryebashkiakun Erion Veliaj, duke e dëbuar nga dëgjesa parlamentare për çështjen e teatrit. Me akuzat e tyre ata e destabilizuan Veliajn, sidomos kur i kujtuan të ndjerin Ardit Gjoklaj, që humbi jetën në landfilldin e Sharrës, ku ishte i punësuar në të zezë.
Por përtej efektit mediatik, sjellja agresive pengoi vijimësinë e diskutimeve dhe transparencën mbi fatin e Teatrit Kombëtar.
LEXO EDHE:Video/ Salianji ia plas në grusht gardistit
Basha i rrahu shpatullat “guerilasve” të tij të besuar, por jo të gjithë janë në një mendje me të. Deputetja e re demokrate, Rudina Hajdari, vajza e Azem Hajdarit, e cilësoi ngjarjen ”një boks politik”, që nuk i shërbeu artistëve.
Heshtja apo mosprania e deputetëve të tjerë në akte të tilla, nënkupton rezervat që ata kanë ndaj një opozitarizmi të tillë. Në garën se kush është më i ashpër ndaj Ramës, Monika Kryemadhi, i ka bërë thuajse dalje figurave të moderuara në LSI, si Panariti, Naço apo Haxhinasto.
Nuk dihet nëse Basha do të veprojë në të njëjtën mënyrë me rebelët, apo nëse këta të fundit do të ikin vetë. Fakt është se shumë ish-deputetë, figura të njohura të PD, janë gati të shpallin krijimin e partisë së re. Në më pak se një vit mbahen zgjedhjet lokale, dhe duket se PD do të pësojë çarjen e saj të radhës.
TIRANA TODAY
