Një tragjedi për pak sa nuk ka shuar një familje të tërë në Vlorë. Dy bombola gazi që përdoreshin për gatim të vendosura në ballkon kanë marrë flakë duke rrezikuar jetën e banorëve.
Ngjarja ndodhi mëngjesin e sotëm në lagjen “Isa Boletini” të Vlorës. Në momentin që ka ndodhur shpërthimi në banesë ka qenë vetëm vajza 20-vjeçare e familjes, e cila fatmirësisht ndodhej në dhomën tjetër.
Rrjedhja e gazit dhe më pas shpërthimi i dy bombolave shkatërroi gjithçka në familje, ndërsa forcat zjarrfikëse me vështirësi shuan flakët.
