Pamje apokaliptike vijnë nga Napoli i Italisë, ku sipas pamjeve të publikuara nga mediat në vendin fqinj, një gropë e madhe është krijuar në parkimin e Spitalit Mare di Ponticelli.
Toka është çarë dhe ka ”përpirë” brenda disa makina që ishin duke qarkulluar në momentin kur ndodhi ngjarja.
Deri më tani nuk raportohen për viktima apo për të lënduar në njerëz. Autoritetet vendase, bëjnë me dije se do të kryhet një studim i thelluar gjeologjik, për të hetuar shkaqet e kësaj ngjarjeje të rëndë.
Disa dëshmitarë flasin për një zhurmë të madhe dhe më pas shembjen e rrugës, teksa në vendngjarje kanë ndërhyrë forcat zjarrfikëse.
Sipas informacioneve paraprake, mësohet se aksidenti ka ardhur si pasojë e një problemi në tubacionet nëntokësore të oksigjenit. Ndërkohë, reparti Covid i spitalit është evakuuar si masë paraprake.
