Policia e Shtetit ka ndërmarrë një operacion masiv 3-ditor kundër trafikut të drogës.
Operacioni po zhvillohet nga toka, deti dhe ajri, duke koordinuar veprimet midis forcave pjesëmarrëse në operacion.
Mësohet se operacioni është i shtrirë nga Grykëderdhja e lumit Buna në Shkodër deri në Kepin e Qefalit-Butrint.
Në këtë operacion janë përfshirë 1140 forca policore, 10 mjete lundrues, 30 automjete si dhe helikopteri i policisë, si dhe marrin pjesë strukturat e Drejtorive Vendore për Kufirin dhe Migracionin Vlorë, Durrës, dhe Shkodër.
Gjatë operacionit janë sekuestruar rreth 900 kilogramë lëndë narkotike Cannabis Sativa, 102.4 gramë lëndë e dyshuar Kokainë. Gjithashtu, janë arrestuar 8 persona për trafik të lëndëve narkotike, si dhe janë kapur 32 persona në kërkim.
Janë sekuestruar dy mjete lundruese pa dokumentacion, 6 armë zjarri dhe 2987 fishekë.
Operacioni masiv ka nisur më datë 28 Gusht dhe do përfundojë mbrëmjen e sotme.
