Një përleshje mes shqiptarëve dhe italianeve ka ndodhur para dy ditësh në Alba Adriatica të Italisë. Nga sherri, mbetën të plagosur një shqiptarë dhe një italian. Sot, mediat italiane kanë publikuar dëshminë e shqiptari, i cili plagosi me armë italianin dhe mbeti i plagosur edhe vetë. Ai mori disa plagë pasi italiani e qëlloi me thikë.
Mediat italiane raportojnë se shqiptari Arlin Cera, 33 vjeç punonte si kamerier në Hotel Resorant “Atlante”. Ai ka rrëfyer në polici se qëlloi për t’u vetëmbrojtur.
I plagosur me armë zjarri, mbeti italiani Lillo Luciani, 38 vjeç, nga Bari, me banim në Villa Rosa.
Shqiptari ka treguar se ishte italiani ai që nisi të bëhej i bezdisshëm për personelin dhe klientët. Atij i ishte kërkuar që të ishte i kujdesshëm.
“Ai u bë shqetësim edhe për klientët. Por pasi iu tërhoq vëmendja u rikthye për të marrë hak”- tha shqiptari.
Sipas mediave lokale, sherri nisi brenda Hotel-Resorant “Atlante”, ku po zhvillohej një mbrëmje me muzike. Më pas përplasje kishte vijuar edhe jashtë ambienteve të restorantit.
Në sherr e sipër, shqiptari u qëllua me thikë brenda lokalit nga 38 vjeçari italian. Në mbrojtje, ai ka nxjerrë pistoletën duke qëlluar italianin, jashtë ambienteve të restorantit.
Policia ka bërë me dije se ka identifikuar edhe dy persona të tjerë të përfshirë në këtë përleshje. Emrat e tyre nuk janë bërë ende të ditur.
Sipas një rindërtimi paraprak të ngjarjes nga karabinierët, ka pasur një përplasje me fjalë mes një grupi italian dhe një grupi shqiptar.
Të dy të plagosurit janë me precedentë të mëparshëm. Mediat italiane bëjnë me dije se gjithçka pritet të sqarohet edhe nga dëshmitë e personave te tjerë./Përshtati Tirana Today/
