Tre persona janë arrestuar në dy operacione të ndryshme anti-drogë të zhvilluar në Vlorë dhe Sarandë. Në total janë sekuestruar 59 doza heroinë, 23 doza kokainë dhe një sasi Lekësh cash. Në Vlorë policia arrestoi Dashamir Ademin 28 vjeç dhe janë proceduar në gjendje të lirë D.B. 20 vjeç dhe M.L. 30 vjeç. Ademi u kap në flagrancë duke shitur heroinë. Atij iu sekuestruan 59 doza. Ndërsa në Sarandë u arrestuan Silvjo Hoxhallari 20 vjeç dhe Jurgen Hoxha 20 vjeç. Ata u kapën në lagjen ”Nr.1”, me 23 doza kokainë.
Njoftimi i plotë
DVP Vlorë
Në Vlorë e Sarandë, finalizohen dy operacione të drogërave të forta.
Sekustrohen 59 doza Heroinë, 23 doza Kokainë dhe një sasi lekësh cash.
Arrestohen në flagrancë tre shtetas dhe procedohen në gjendje të lirë dy të tjerë.
Specialistët e Seksionit për Hetimin e Narkotikëve në DVP Vlorë, kanë finalizuar operacionin ”Red”, ku është arrestuar në flagrancë shtetasi:
D.A, 28 vjeç, banues në Vlorë.
Do të procedohen në gjendje të lirë shtetasit D.B., 20 vjeç, dhe M.L., 30 vjeç, të dy banues në Vlorë.
U krye arrestimi i shtetasit Dashamir Ademi pasi është kapur në flagrancë duke shitur lëndë narkotike të llojit Heroinë, shtetasve D.B., dhe M.L..
Janë sekuestruar në cilësinë e provës materiale 59 doza Heroinë dhe një sasi lekësh cash.
_______________
Policia e Sarandës ka finalizuar operacionin ”White”, ku kanë arrestuar në flagrancë shtetasit:
S.H, 20 vjeç, banues në Tiranë,
J.H, 20 vjeç, banues në Tiranë.
Këta shtetas u kapën në lagjen ”Nr.1”, me 23 doza Kokainë.
Materialet hetimore iu referuan Prokurorisë për veprën penale “Prodhimi dhe shitja e narkotikëve”, parashikuar nga neni 283/1 e Kodit Penal.
