Instituti Kombëtar Italian i Gjeofizikës dhe Vullkanologjisë, njoftoi se mëngjesin e sotëm, shpërtheu vullkani Stromboli, pranë bregdetit të Siçilisë.
Shpërthimi i cili pati një intensitet të lartë, ndodhi në orën 09:17 dhe u filmua nga kamerat e vëzhgimit, termike dhe vizuale, të vendosura nga instituti. Imazhet tregojnë fillimin e shpërthimit dhe rrjedhat e llavës që lëvizin me shpejtësi, nga krateret e larta 918 dhe 924 metra.
Instituti raportoi se shpërthimi zgjati katër minuta dhe “nga pikëpamja sizmologjike” ajo karakterizohej nga një sekuencë ngjarjesh shpërthyese dhe rrëshqitje toke.
Vullkani Stromboli është një nga më aktivët në Tokë, me shpërthime të vogla dhe llavë spektakolare, e cila rrjedh nga krateri dhe përfundon në det.
