Në 10-vjetorin e tragjedisë së Gërdecit rikthehet në vëmendje pamja e frikshme e shpërthimit të fuqishëm që mori 26 jetë njerëzish dhe shkaktoi 300 të tjerë të plagosur.
Pamjet e dhimbshme që sollën fundin fatal për dhjetëra njerëz janë filmuar nga një prej drejtuesve amerikanë të kompanisë, që merrej me demontimin në Gërdec.
Në videon e publikuar nga Tema dëgjohet një zë që kërkonte të lajmërohej Mihal Delijorgji, ndërsa personi që filmon flet anglisht dhe ka qenë një nga bashkëpunëtorët e tij.
Videoja tregon se drejtuesi amerikan po e priste shpërthimin dhe pak çaste përpara po komunikonte me Kiçon, vëllain e Mihal Delijorgjit, për të njoftuar Mihalin se fabrika po shpërthente.
