Video/ Momentet e fundit kur Arjan Sala hyn brenda magazinës së zjarrit

Momenti kur Arjan Sala ka hyrë në ambjentet e brendshme të magazinës që u përfshi nga zjarri pasditen e 24 Marsit, është regjistruar nga kamerat e sigurisë.

Në videon e publikuar nga tv Klan, duken qartë lëvizjet e fundit të 33-vjeçarit brenda magazinës dhe momentet e para kur në godinë kanë filluar që të dalin shtëllungat e para të tymit.

Në fund, të gjithë punonjësit e tjerë kanë dalë nga kati -1, përveç Salës, i cili ishte kthyer edhe njëherë për të parë nëse kishte të mbetur pas.

Arjan Sala, i cili punonte si roje sigurie, humbi jetën si pasojë e një zjarri të rënë pasditen e së mërkurës së shkuar në magazinën e një qendre tregtare në kryeqytet.

Trupi i tij i pajetë u gjet pas 3 ditësh nga rënia e zjarrit, që dyshohet se u shkaktua nga një masë në kabullin e neonëve.

Ditën e sotme 33 vjeçari u shpall “Dëshmor i Atdheut” ndërsa kryeministri Rama shkoi personalisht në shtëpinë e familjes Sala për t’i dorëzuar titullin e lartë.

Gjithashtu, qeveria ka akorduar një shpërblim prej 1 milionë lekësh për familjen e tij.