Mëngjesin e 10 qershorit, disa zona të Amerikës Veriore por dhe të Evropës, do të mund të shohin eklispsin diellor, që në gjuhën shkencore njihet si ”Unaza e Zjarrit”.
Eklipi i pjesshëm diellor do të jetë i dukshëm, dhe për shumë njerëz, ai do të përkojë pak a shumë me lindjen e diellit, shkruan Space.com.
Vetëm për vendet në veri të një linje që shkon përafërsisht nga qytetet si Churchill, Manitoba, në Halifax, Nova Scotia, i gjithë eklipsi do të jetë i dukshëm nga fillimi në fund pasi të lindë dielli.
Eklipset diellore ndodhin kur hëna kalon para diellit, nga këndvështrimi i planetit tonë. Eklipset totale diellore, të cilat janë relativisht të rralla, ndodhin kur hëna mbulon tërë diellin; orbita e hënës është e anuar në lidhje me diellin dhe jo gjithnjë në rregull.
Një “unazë zjarri” ose eklips unazor ndodh kur hëna është afër pikës së saj më të largët nga Toka gjatë një eklipsi, kështu që hëna duket më e vogël se dielli në qiell dhe nuk bllokon të gjithë diskun diellor.
