Për ata që e njohin si “Doktori i mrekullive”, mësohet se aktori i mirënjohur është martuar. Mediat turke madje kanë publikuar edhe pamjet nga ceremonia. Aktori i njohur për rolin e tij të “Ali Vefa” në serialin televiziv “Doktor i mrekullive”, i ka dhënë fund beqarisë. Taner Olmez ka kurorëzuar dashurinë me aktoren Ece Çeşmioğlu.
Sa i takon serialit të famshëm që mbajti të mbërthyer shikuesit pas ekranit, në Turqi është transmetuar episodi i fundit.
“Kemi ardhur në fund me historinë tonë, ku do të tregojmë se individët me autizëm kanë të drejtën të jetojnë si të gjithë ne. Aliu ynë u rrit dhe i bëri ëndrrat realitet. Ne qeshëm me të, lotuam me të dhe kuptuam çdo të thotë të jesh njeri. Është koha t’i themi lamtumirë me të gjithë mrekullitë që ka bërë. “Doktori i Mrekullive” do të jetë me ju për herë të fundit në 27 maj. Ju falenderojmë dhe jemi mirënjohës”, shkruhet në faqjen zyrtare të serialit.
