“Ëndrra” e Digo Maradonës dhe skuadrës së tij, Dorado, ka përfunduar me një humbje të thellë 4-2 në Play-off përballë Ascenso MX. Një eliminim që ka revoltuar shumë keq legjendën argjentinase, i cili në fund është parë duke goditur me grusht një nga gazetarët e pranishëm.
Dorados shkoi në këtë ndeshje me avantazhin 1-0, por në fund nuk arriti të ruante rezultatin edhe pse shënoi sërish i pari në sfidën kthyese. Konfrontimi i Maradonës me gazetarin ndodhi në fundin e pjesës së parë. 58-vjeçari ishte i shoqëruar nga rojet e sigurisë kur një nga gazetarët e pranishëm iu afrua që ti bënte pyetje, por Maradona e ka sulmuar menjëherë.
Ndërsa gjatë kohës që qëndronte në tribunë, pasi kishte marrë një dënim dhe nuk mund të rrinte në stol, ai është parë duke konsumuar birrë.
Maradona e mori në drejtim skuadrën në shtator dhe kishte përjetuar vetëm suksese deri në këtë moment, dhe dështimi duket se e ka bërë të ketë një gjendje të rëndë shpirtërore e cila e coi drejt ai veprimi aspak normal. Legjenda e futbollit para ndeshjes ishte mjaft i lumtur dhe ishte festuar me lojtarët në dhomat e zhveshjes si i ‘çmendur’ dhe besonin shumë tek kualifikimi. TIRANA TODAY
