Burgu Sabaneta në qytetin e Marakaibos, Venezuelë
Të burgosurit e ruajnë shpesh vetë rendin, kryesisht drejtuesit e bandave. Për shkak të mbipopullimit dhe kushteve të këqija, shpërthejnë shpesh trazira. Në trazirat e vitit 1994, gjetën vdekjen 108 të burgosur. Ish-presidenti Hugo Çavez, e cilësonte këtë burg si “portën e rrethit të pestë të Ferrit”.
Rikers Island, Nju Jork, Shtetet e Bashkuara
Edhe pse mbahen të burgosur me dënime të lehta, ky burg shquhet për abuzimet e shumta, sidomos nga vetë gardianët e burgut. Në një vit raportohet për qindra plagosje të të dënuarve, si pasojë e dhunës. Pjesa më e madhe e tyre preken më pas nga sëmundje mendore, që shpesh i çojnë drejt vetëvrasjes.
Burgu Bang Kwang, Bangkok, Tajlandë
Këtu të dënuarve u shërbehet vetëm një vakt ushqimor. Pjesën tjetër duhet të blejnë vetë në mensën e burgut. Për pasojë shumica e të burgosurve janë të kequshqyer dhe shpesh të sëmurë, falë mungesës së ujit të rrjedhshëm, dhe sistemit të tmerrshëm të ujërave të zeza.
Burgu i Ishujve Petak, Vologda, Rusi
“Alkatrazi i Rusisë”, mban kriminelët më të rrezikshëm të vendit. Përveç torturës mendore të izolimit për 22 orë e gjysme në ditë në qeli, shumica e të burgosurve lejohen të takojnë vetëm 2 të afërm në vit. Burgu është i rrethuar ujërat e ngrira të Liqenit të Bardhë, çka e bën gati të pamundur arratisjen.
Burgu USP Firence ADMAX, Kolorado, SHBA
Strehon kriminelët më të dhunshëm në Amerikë, vrasësit seriale, terroristët vendas dhe të huaj. Për të shmangur arratisjen, është i ndërtuar në një mënyrë të tillë, që të dënuarit të mos njohin vendndodhjen aktuale të tyre brenda burgut. Një dritare e vogël vetëm sa një pëllëmbë, është burimi i tyre i vetëm i dritës natyrale.
