Policia e Elbasanit ka arrestuar një person te kërkuar prej vitesh. Burime nga policia bëjnë me dije se Forcat e Ndërhyrjes së Shpejtë nga Tirana në bashkëpunim me oficerët e Narkotikëve në Policinë e Elbasanit, mbi bazën e informacioneve të marra në rrugë operative bënë arrestimin e Afrim Tarelli (Zeneli), 45 vjeç banues në Elbasan.
Arrestimi i tij është bërë sepse ai është shpallur në kërkim nga Zyra Qendrore e Interpol Tiranës më datë 25 mars 2014.
Shpallja në kërkim e tij është bërë sepse Gjykata e Apelit në Torino me vendim të datës 22 prill 2011, e ka dënuar me 6 vjet e 10 muaj burg për akuzën e “trafikimit të narkotikëve kryer në bashkëpunim”.
Kapja dhe ndalimi i tij u bë pasi shtetasi i lartpërmendur, është shpallur në kërkim nga Zyra Qëndrore Kombëtare Interpol Tirana më datë 25.03.2014, pasi Gjykata e Apelit Torino me vendim të datës 22.04.2011, e ka dënuar me 6 vjet e 10 muaj burg për veprën penale “Trafikim të narkotikëve kryer në bashkëpunim” parashikuar nga neni 110 i Kodit Penal Italian. Ndalimi i tij, u bë me qëllim ekstradimi në shtetin Italian.
