Ne shqiptarët, kemi ende shumë probleme me imazhin tonë nëpër botë. Ndaj shfrytëzojmë çdo lloj ngjarje apo personazhi që ka, apo hamendësojmë se ka rrënjë shqiptare.
Në botërorin rus, po brohorasim shqiptarët e Zvicrës, duke u paguar edhe gjobën e FIFA-s, për gjestin e shqiponjës.
Më së fundmi, u krenuam me portierin e Kroacisë, që sipas disave ka “origjinë arbërore”. Por përkundër pak “kuqezinjve”, ka shumë faqezinj që na e nxijnë faqen para botës.
Dy shqiptarë therën me thikë, djalin e një prezantueseje të njohur në Itali. Shumë të tjerë u arrestuan për trafik droge apo armësh, me mafiozët e Cosa Nostra.
Thuajse të gjithë distancohen individualisht, por shoqëria në tërësi reflekton shumë pak. Kriminalizimi i ndjeshëm i një pjese shqiptarësh, cilësohet si një fatalitet.
Dhe Evropa e ka të lehtë të justifikohet, dhe të vazhdojë të na lërë në “paradhomën” e pritjes.
TIRANA TODAY