Një 35 vjeçar, i identifikuar si Anton Shpatina, ka rënë në pranga për prodhim dhe shitje të lëndëve narkotike. Arrestimi u bë pas një kontrolli në shtëpinë e Shpatinës, në Shkodër, ku iu gjetën 11 doza kokainë, një armë zjarri me fishekë, 9 telefona celularë dhe disa kartëmonedha me vlera të ndryshme.
Ndërkohë, gjatë kontrollit personal, iu gjet një dozë kokainë.
NJOFTIMI I POLICISË:
Shkodër
Finalizohet me sukses operacioni antidrogë “DOSES”
Arrestohet në flagrancë një shtetas, si dhe procedohet në gjendje të lirë një tjetër
Sekuestrohen Kokainë, armë zjarri, municion luftarak e sende të tjera.
Më datë 17.10.2017, nga shërbimet e Komisariatit të Policisë Shkodër në bazë të informacioneve të siguruara në rrugë operative u bë arrestimi në flagrancë i shtetasit:
Anton Shpatina, 35 vjeç, banues në lagjen Naim Gjylbegu, Shkodër,
Si dhe procedohet penalisht dhe ndiqet në gjëndje të lirë shtetasi:
L. K. 25 vjeç, banues në lagjen Ndoc Mazi, Shkodër,
Arrestimi i shtetasit A.Sh u bë pasi në banesën e tij ka shkuar shtetasi L.K për të blerë lendë narkotike, ku gjatë kontrollit personal të bërë nga Policia shtetasit të lartëpërmendur ju gjet dhe u sekuestrua në cilësinë e provës materiale 1 dozë lëndë e dyshuar narkotike Kokainë
Ndërsa gjatë kontrollit të ushtruar në banesën e shtetasit A.Sh ju gjet dhe u sekuestruan në cilësinë e provës materiale 11 doza lëndë e dyshuar narkotike Kokainë, një armë zjarri me fishekë, 9 telefona celularë dhe disa kartëmonedha me vlera të ndryshme.
Materialet proceduriale iu referuan Prokurorisë Pranë Gjykatës së Shkallës së Parë Shkodër për veprën penale “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 283 dhe 278 të Kodit Penal.
