Në sfidën e djeshme të Premier Ligës ku Liverpuli u mund në “Anfield” me rezultatin minimal 0-1 ndaj Bërnlit, në pushimin e këtij takimi u vu re se Jurgen Klop u përplas në tunel me trajnerin e Bërnlit, Shën Dajsh.
Nuk dihet ende arsyeja përse pati një konfrontim midis tyre por edhe vetë tekniku gjerman pas ndeshjes deklaroi: “Nëse ai nuk flet për këtë çështje, atëherë as unë nuk do të flas për të. Unë nuk e nisa, por nuk është asgjë.”
Vlen të theksohet se humbja e fundit e Liverpulit datonte në prillin e 2017, kur Kristal Palasi i mundte me rezultatin 1-2 dhe që prej asaj dite kishin kaluar 1369 ditë dhe 68 ndeshje pa humbje në “Anfield” për “The Reds”.
