Tërmetet vrasin rreth 10 mijë njerëz çdo vit, dhe kanë shkaktuar rreth 13 milionë vdekje në 4 mijë vitet e fundit.
Ngrohja globale, lidhet me tërmetet më të rënda dhe më të shpeshta. Në mënyrë të veçantë, shkrirja e akullnajave dhe përmbytjet, po ndryshojnë presionin mbi zona të ndjeshme sizmike.
Tërmeti më i madh në historinë e kohëve të fundit, ka goditur Kilin më 1960. Me një shkallë prej 9.5 të shkallës Rihter, ai shkaktoi një dallgë gjigante në oqean deri në 10.000 km të gjatë.
Një tërmet, mund të lëshojë qindra herë më shumë energji, se sa bomba bërthamore që u hodh në Hiroshima të Japonisë në vitin 1945.
Tërmeti që goditi Alaskën në vitin 1964, regjistroi magnitudë 9.2 ballë, duke qenë tërmeti i dytë më i fuqishëm që është regjistruar në historinë botërore.
Disa milion tërmete ndodhin çdo vit në mbarë botën. Shumë prej tyre nuk ndihen, ose sepse janë shumë të vegjël për t’u matur, ose për shkak se ndodhin në vende të largëta.
Shkencëtarët besojnë se kafshët mund të para ndjejnë një tërmet para se ai të ndodhë, duke ndjerë sinjalet elektrike të krijuara nga zhvendosja e shkëmbinjve nëntokësorë.
Ne këtu na shkundi tërmeti, po natyra është “çmendur” kudo në botë…
TIRANA TODAY
