Njihuni me berberin e Donald Trump. Adrian Wood ka prerë flokët e presidentit Trump për më shumë se 20 vjet.
-Si donte ai që t’ia prisnit flokët?
-Ai është shumë specifik. Thoshte m’i prit këtu dhe atje. Dhe pasi nisja t’ia shkurtoja, ai do të ndërhynte duke thënë “aty janë shkurtuar mjaft”, “edhe këtu po ashtu”. Kjo është mënyra sesi ia prisja flokët.
Flokët e Trump kanë qenë përherë një objekt kureshtie.
“Nuk kam paguar asgjë, janë flokët e mi, ju betohem!”, thoshte Trump gjatë fushatës elektorale.
Por vetëm berberi e tij e di me siguri këtë:
Ne ia shkurtonim flokët anash, dhe asnjëherë në majë të kokës. Për këtë pjesë të kokës ai kujdesej vetë. Një shqetësim i veçantë për Trump, është pjesa e tij tullace thotë ish-berberi i tij. Që ta mbulojë atë, duhet shumë punë. Duhet të dish sesi ta mbulosh.
Një foto e Trump, ulur në kolltukun e berberit, dhe duke pozuar me aktorët e serialit “Apprentice”, varet ende në murin e sallonit të Wood.
Shumë nga klientët tuaj marrin nga një gotë me emrin e tyre. Dhe ja ku është njëra me emrin e Donald Trump .
Wood thotë se Trump e vlerësonte kaq shumë stilin e prerjes së flokëve, sa që në një rast i dha disa këshilla të vyera për menaxhimin e biznesit.
“Ai më këshilloi që të zhvendosesha nga aty ku e kisha më herët sallonin, pasi qiraja tepër e lartë që kisha do të më falimentonte. Ai më tha shko në një ambient në katin e dytë. Dhe kjo më shpëtoi. Sikur të mos ishte për Donald Trump do ta kisha mbyllur aktivitetin”, shprehet ish-berberi i Trump.
PËRSHTATI TIRANA TODAY
