Fondacioni “Fundjavë Ndryshe”, po vijon me projektet e tij humanitare. Prej disa ditësh modelja Emina Cunmulaj i është bashkuar “Fundjavë Ndryshe”, ku po ndihmojnë shumë familje në nevojë.
Ata kanë udhëtuar në fshatin Tamarë, të Malësisë së Madhe. Përveç mjerimit, varfërisë, skamjes e braktisje ata kanë gjetur dashurinë e njerëzve. Në njërën prej familjeve të varfra, një person ia ka marrë këngës me çifteli. Emina e ulur pranë tij, teksa e dëgjonte kryefamiljarin duke kënduar është përlotur.
Ai ka kënduar disa vargje të dhimbshme për fatin e shqiptarëve. Ku në vargje ndër të tjerë dëgjohet të thotë se: “po vritet vëllai me vëlla e shumë zemra nënash kanë tha”.
“Fundjavë Ndryshe”, përveçse në Tamarë, ka qenë te disa familje të varfra në fshatrat Vukël e Selcë të Shkodrës.
“Vazhdojmë shpërndarjen e ndihmave.
Gjatë vizitës tonë në Tamarë u emocionuam shumë kur një nga të pamundurit mori çiftelinë e filloj të këndonte. Ndiqeni videon për më shumë.
Ju përqafojmë të gjithëve. Shpërndaje ♥️”, shkruan Arbër Hajdari në “Facebook”./TIRANA TODAY/
