E ardhmja e Eden Hazard duket e vendosur. Edhe pse te Chelsea po bëjnë çdo tentativë të mundshme për ta mbajtur në skuadër, në merkaton e kësaj vere sulmuesi belg do të transferohet te Reali i Madridit. Pasi ndihmoi Chelsea-n të siguronte zyrtarisht rikthimin në Champions League për sezonin e ardhshëm, Hazard ka dhe një mision të fitojë trofeun e tij të fundit me Blutë pikërisht atë të Europa League dhe më pas do të largohet nga Stamford Bridge, aty ku luan prej 7 sezonesh.
Si për të konfirmuar largimin ka menduar vetë ylli belg i cili i ndalur nga një tifoz në rrugë, bëri një gjest që nënkupton lamtumirën nga Chelsea në fund të sezonit. Tifozi i kërkoi Hazard-it të qëndrojë por ky i fundit tundi kokën si për të vërtetuar se diçka e tillë është e pamundur të ndodhë.
Breaking:
Chelsea fan: Stay at chelsea please
Eden Hazard: Shakes his head (No) pic.twitter.com/WIlkth0f6j
— indykaila News (@indykaila) May 6, 2019
