Një i ri nga Vlora ka rënë në pranga, pasi është identifikuar si autor i një grabitjeje të një supermarketi, të ndodhur para 4 ditësh në qytetin bregdetar.
Policia ka njoftuar për arrestimin e 22-vjeçarit Pjetro (Marian) Mecaj, i cili grabiti një supermarket nën kërcënimin e thikës në lagjen “Hajro Çakërri”.
Gjatë kontrollit që policia ka ushtruar në katin e tretë të banesës së tij në lagjen ”10 Korriku”, i ka gjetur dhe sekuestruar në cilësinë e provës materiale sendet që ka përdorur për grabitjen e dyshuar,konkretisht :
- 3 thika, maskat, veshjet dhe kasa e vjedhur.
Gjithashtu i është gjetur dhe sekuestruar :
- 5.74 kilogram lëndë narkotike Cannabis Sativa, në gjendje të thatë të paketuar,
- 2 fidanë Cannabis Sativa të kultivuara në vazo lulesh, dhe
- fara të bimës narkotike Cannabis Sativa.
Materialet hetimore iu referuan Prokurorisë së Rrethit Gjyqësor Vlorë ndaj shtetasit P.Mecaj, për veprime të mëtejshme.
