Ai është vlerësuar si një nga ministrat më të përgatitur, sidomos nga kryeministri Rama. Bëhet fjalë për Gent Cakajn, i cili është një nga personat që shkaktoi përplasje të madhe mes Metës dhe Ramës.
Teksa ka marrë pjesë në Samitin e Dytë të Diasporës, Cakaj ka marrë fjalën për të ndarë cmimin “Diaspora dhe angazhimi publik”.
Por, emocionet i kanë shkaktuar Cakajt një incident, teksa ka ngatërruar vargjet e Naim Frashërit.
“Është ndjenjë krenari e veçantë ta shohësh Diasporën shqiptare të bashkë-mbledhur këtu në shqipëri, dhe për më tepër në Shqipërinë që sot vlerëson punën e çmuar që ju bëni për vendin dhe kontributin e vyer që ju jepni për botën.
Teksa pashë emrin e Naim Frashërit lart, natyrshëm më erdhën ndërmend disa nga vargjet e tij, kur nga largësia përshkruan mallin që ndiente për vendin e tij”, u shpreh Cakaj.
Më tej ai tha: “Dhe nëse nuk gaboj, afërsisht ato janë kështu:
Atje lind dielli i gëzuar, dhe ha… atje dielli është i gëzuar… Atje di… atje dielli është lind i gëzuar dhe hëna e buzëqeshur… (Duartrokitje në sallë për t’i larguar emocionet) Të lutem! Fat i madh e mirësi, atë vend e ka mbuluar. Atje nata është një tjetër natë dhe dita është një tjetër dit.”
Vargjet e poemës së Naim Frashërit janë:
“Atje lint diell’ i qeshur edhe hëna e gëzuar,
Fat’ i bardh’ e mirësija në atë vënt janë mbluar;
Nat’atje’shtë tjatrë natë edhe dita tjatër ditë,”
Më pas ai dha çmimin për të cilin doli në skenë.”
