Katër persona kanë tentuar që të grabisin shtëpinë e një biznesmeni 35-vjeçar, mirëpo në momentin që kanë hyrë brenda në banesë janë përballur me rezistencën e pronarit.
Ngjarja ka ndodhur në Angli, ndërsa ka qenë vetë pronari i shtëpisë, Asif Ali, personi i cili ka thënë për mediat vendase se sulmi ndaj grabitësve ishte instiktive, pasi ai thjesht dëshironte që të mbronte gruan e tij, Charlotte, e cila në ato çaste ishte në gjumë. Pas përleshjes, grabitësit u larguan.
“Isha duke folur në telefon, kur dëgjova qentë duke lehur në mënyrë agresive. Shkova të shihja se çfarë po ndodhte, kur dikush po qëndronte i veshur me të zeza nga koka te këmba. Fillimisht ai më goditi, më pas filluam të përlesheshim”.
“Isha i pavetëdijshëm. Qëlloja në mënyrë instiktive, por përpiqesha thjesht ta largoja nga shtëpia”.
“Ishte diçka joreale. E pabesueshme si mundet dikush që të futet në shtëpinë e dikujt tjetër në atë mënyrë. Ne punojmë shumë, ndonjëherë edhe shtatë ditë në javë, për të arritur këto që kemi, dhe irritohem pamasë kur dikush përpiqet për të na i marrë”.
