Një ‘luftë’ epike është zhvilluar në malet e Pakistanit mes një leopardi dëbore dhe një dhie të egër. Është leopardi që sulmon një tufë dhinë e egër në një mal të mbuluar nga dëbora në Pakistan, ku terreni i vështirë e bën përleshjen mes tyre spektakolare.
Pasi leopardi arrin ta mbërthejë të dy bien nga një shkëmb i lartë dhe rrokullisen për disa qindra metra duke u përplasur në shkëmbinj, por leopardi nuk i largon putrat. Pavarësisht të gjithë rrotullimeve edhe përplasjeve leopardi i dëborës në fund duket duke e tërhequr zvarrë dhinë e egër, një betejë e fituar, por që tregon edhe forcën e egërsinë që e karakterizon këtë kafshë të egër të rrallë.
9 fakte mahnitëse për leopardët e dëborës:
- Leopardët e borës jetojnë në zona të ashpra e të thyera alpine në Azinë Qendrore. Ata mund të gjenden në lartësi nga 3 mijë deri në 4500 metra.
- Të rriturit janë të vetmuar, dhe bashkëveprojnë me leopardët e tjerë vetëm gjatë sezonit të riprodhimit.
- Këto mace të mëdha kanë putra të mëdha me gëzof që arrijnë të kontrollojnë peshën e trupit të tyre, në mjedise me borë të dendur. Gëzofi te putrat i mbron nga i ftohti i ashpër.
- Bishti i tyre i gjatë e i trashë përdoret si ndihmë balancimi kur ndiqen nga grabitqarët.
- Hunda e një leopardi dëbore është e përshtatur mirë për të mos marrë të ftohtin. Zgavra e shkurtër por e gjerë e hundës ngroh ajrin para arritjes në mushkëri.
- Këto mace në rrezik zhdukje janë të afta të kërcejnë deri në 15 metra dhe mund të mposhtin prenë që është 3 herë më e madhe se pesha e tyre trupore.
- Ndryshe nga këlyshët e tjerë, leopardët e dëborës janë të paaftë të ulërijnë sepse kanë korda zanore më pak të zhvilluara se leopardët e tjerë.
- Ngaqë janë krijesa të pakapshme, njerëzit që merren me studimin e tyre shpesh i referohen me termin “fantazmat e maleve”.
- Mund të kenë ngelur dhe 6000 specie të tilla. Numri i tyre ka rënë me 20% në 20 vitet e fundit për shkak të humbjes së habitatit.
