Së fundmi në mediat në Itali dhe jo vetëm, ka bërë xhiron një video e rrallë, ku shfaqet politikani Vittorio Sgarbi duke u nxjerrë zvarrë nga parlamenti italian.
Ai përdori një fjalor jo të hijshëm dhe ofendues ndaj kolegëve të tij dhe kaq mjaftoi që drejtuesja e seancës plenare të urdhëronte nxjerrjen e politikanit nga salla.
Teksa Sgarbi ishte i ulur në karrige dhe vijonte të ulëriste, punonjësit e sigurisë fizike kanë ndërhyrë dhe e kanë nxjerrë me forcë atë nga Kuvendi.
Kujtojmë se ai njihet gjerësisht si mik i kryeministrit Edi Rama dhe disa ditë më parë deklarata e tij, se Bylysi është qytet i lashtë grek hapi polemika të mëdha në opinionin publik.
