Ky është momenti kur një grua shtatzënë 10 javëshe, përpiqet të hidhet nga dritarja e katit të dytë për t’i shpëtuar dhunës së shkaktuar nga burri i saj, para se ai ta tërheqë përsëri në apartamentin e tyre në Brazil.
Incidenti u regjistrua të shtunën nga banorët në qytetin Duque de Caxias të Rio de Janeiro.
Pamjet tregojnë Maria José, 35-vjeç, duke e vendosur këmbën e majtë mbi dritare, por bashkëshorti i saj Vitor Batista, 32 vjeç, duket se e tërheq atë përsëri në apartament.
Fqinjët sapo kanë parë këto pamje, kanë njoftuar Policinë Civile, e cila arrestoi Batistan.
Thuhet se Batista u zemërua të hënën, pasi zbuloi se José shkroi një shënim duke kërkuar ndihmë dhe e hodhi atë jashtë dritares.
Sipas gazetës braziliane të lajmeve G1, ai u tha autoriteteve se grindja ishte “vetëm një zënkë në çift”.
José i tha rrjetit G1 se burri i saj prej dy vitesh e kishte rrahur vazhdimisht gjatë gjithë marrëdhënies së tyre. Batista dyshohet se e kërcënoi atë dhe djalin e saj katërvjeçar nga një lidhje e mëparshme.
“Ai ishte xheloz dhe shumë posesiv. Ai nuk më linte të dilja në rrugë, vetëm për punë. Unë madje humba punën time”, tha José.
“Kam shpikur justifikime, sepse kam qëndruar brenda”.
“Ne gjithmonë besonim se personi mund të ndryshojë, por agresioni vazhdon me kalimin e kohës … Dhe bëhet vetëm më keq”, tha ajo. “Nuk kam guxim. Më erdhi turp”.
Mbikëqyrësi i policisë Fernanda Fernandes, falenderoi fqinjët që shpëtuan jetën e Jose-s.
“Ndoshta, nëse fqinjët nuk do kishin (thirrur policinë), ajo nuk do të kishte mbijetuar”, tha Fernandes.
Burimi i lajmit: Dailymail. Përshtatur nga Tirana Today
