‘Heroit’ të grekëve po i dalin të palarat në çdo moment. Deri më tani qeveria greke ka pretenduar se Kostandinos Kaçifas është vrarë nga RENEA sepse skuadra policore është e ndikuar nga propaganda anti-greke e nxitur nga qeveria shqiptare, mediat dhe qarqet anti-greke në Shqipëri.
Deri tani kishim vetëm dëshmitë e policisë se ai kishte qëlluar me automatik drejt makinave të tyre duke rrezikuar jetën e efektivëve.
Por sot Report TV publikoi një video të siguruar nga gazetari Artan Hoxha. Në video duket qartë se Kostandinos Kaçifas qëllon me armë automatike drejt policisë në qendër të fshati.
Gazetari Hoxha në një lidhje direkte nëpërmjet telefonit me studion e lajme në Report TV, deklaroi se Arma e Kaçifas ishtë shumë profesionale, e gatshme për te bërë dhe luftime gjatë natës.
Ai tha se shtetasi Kostandinos Kaçifas nuk ishte një qytetar i inatosur dhe bëri një reagim të momentit, por ishte një mercenar i përgatitur për atë që do bënte dhe kishte parashikuar që të luftonte dhe natën që ti shpëtonte policisë.
Dy janë detajet që duhen veçuar në video; e para lidhet me armën që greku përdori në ngjarjen e djeshme. Ajo është një automatik i modifikuar me dylbi, që ka brenda shënjestrën olografike, e cila është një pajisje ushtarake që e përdor edhe NATO.
Modifikimi i automatikut që përmirëson shënjestrën tregon se asgjë nuk ka qenë rastësore dhe se ushtari grek ka qenë i përgatitur më parë për gjithçka. Ndërsa detaji i dytë lidhet me pretendimin e ngritur nga grekët se ushtari u vra për flamur. Por në fakt sikur duket në pamjet e siguruara nga Report Tv, greku që po qëllonte me një armë ushtarake moderne nuk kishte asnjë flamur në dorë.
